स्वयंरोजगारासाठी ब्ल्यू मिशनचा पुढाकार

चंद्रपूर : ब्ल्यू मिशन मल्टीपर्पज ट्रस्टच्यावतीने बेरोजगारांसाठी स्वयंरोजगार उपलब्ध करून देण्याच्या उद्देशाने आर्थिक सक्षमीकरण योजनेंतर्गत सहकार्य करण्यात आले. या अंतर्गत जलनगर परिसरातील एका महिलेला किराणा दुकान तर जटपुरा गेट येथे एका युवकाला मन्चुरियन सेंटर सुरु करण्यासाठी सक्षम करण्यात आले. लॉकडाऊन काळात अनेकजण बेरोजगार झाले आहेत. अनेकांचे व्यवसाय बुडाले आहेत. अशाना मदत करण्याच्या उद्देशाने ब्ल्यू मिशन मल्टीपर्पज ट्रस्टच्या वतीने ट्रस्टचे मार्गदर्शक दुष्यंत नगराळे व अध्यक्ष अल्का मोटघरे यांच्या पुढाकाराने स्वयंरोजगार उपक्रम राबविण्यात येत आहे. याद्वारे जटपुरागेट येथील जुमडे यांच्या चाळीत मुबारक शेख याला मन्चुरियन नास्ता सेंटर तर जलनगर येथे एका महिलेला छोटा किराणा व्यवसाय थाटण्यास अर्थसाहाय्य करण्यात आले. यामुळे या दोघांनाही रोजगार प्राप्त झाला आहे.