वरोरा : स्थानिक आर्य क्षत्रिय तेलगू शिंपी समाजासाठी भवन बांधण्यात येणार आहे. जुना माढेळी नाका परिसरात अरविंद गाजर्लवार यांच्याहस्ते भूमिपूजन व फलक अनावरण सोहळा पार पडला. अध्यक्षस्थानी आर्य क्षत्रिय तेलंग समाज संस्था, नागपूरचे अध्यक्ष अश्विन लिम्बन्ना होते. यावेळी नगराध्यक्ष अहेतेशाम अली, पाणीपुरवठा सभापती अनिल साखरिया, महेश माहुरपवार, बहुउद्देशीय आर्य क्षत्रिय तेलंग समाज संस्था, नागपूरचे सदस्य संदीप गाजर्लवार, रितेश लक्केवार, अनिल लक्केवार, सुनील लक्केवार आदींची उपस्थिती होती.
समारंभात राहुल डोंगरावर यांनी तयार केलेल्या आर्य क्षत्रिय तेलगू शिंपी समाज वंशावली (द्वितीय आवृत्ती) चे विमोचन उपस्थितांच्या हस्ते करण्यात आले. कार्यक्रमात दत्तात्रय डोंगरवार, सुरेश नामपल्लीवार, जयरत्नम गाजर्लवार, सुरेश बरतलवार, मधुकर डोंगरवार, नरेंद्र बरतलवार, नरेंद्र डोंगरवार उपस्थित होते. प्रास्ताविक समितिचे सचिव राहुल डोंगरवार, संचालन दीपक डोंगरवार, तर आभार समितीचे अध्यक्ष सतीश डोंगरवार यांनी मानले. कार्यक्रमासाठी रोशन लक्केवार, निखिल नामपल्लीवार, विकास डोंगरवार, शेखर डोंगरवार, राजेंद्र नामपल्लीवार, अमोल नामपल्लीवार, अविनाश पोलकोंडवार, विशाल बरतलवार, अंकुश डोंगरवार आदींनी परिश्रम घेतले.