अड्याळ येथे बहीण-भाऊ झाले सरपंच-उपसरपंच

अड्याळ टेकडी येथे शेतकरी ग्रामविकास आघाडी या पॅनलकडून हे बहीण-भाऊ निवडून आले. निवडून आल्यानंतर सरपंचांचे आरक्षण काढण्यात आले. आरक्षण नामाप्र प्रवर्गातील महिलेसाठी आले. सरपंचपदासाठी ताराबाई दादाजी गाडेकर यांच्या नावाची चर्चा सुरू झाली. अपेक्षेप्रमाणे ताराबाई गाडेकर यांची सरपंचपदी निवड झाली. योगायोगाने ताराबाईचे भाऊ नामदेव लांजेवार यांचे नाव उपसरपंचपदासाठी सुचविण्यात आले आणि त्यांचीही उपसरपंचपदी निवड करण्यात आली. नवनिर्वाचित ग्रामपंचायत सदस्यांमध्ये विनोद गोमाजी वासनिक, गिरिधर केशव आलबकर, श्वेता शामराव भोयर, सुचिता शामराव नवघडे, निर्गुणा अरविंद मोहुर्ले, मंदा विनोद वासनिक, राजू फकिरा गेडाम यांचा समावेश आहे. आहेत. यात उल्लेखनीय बाब अशी की येथे वासनिक आडनावाचे दाम्पत्यही निवडून आले आहे.