थर्टी फर्स्टच्या रात्री १२९ जणांना अटक

३१ डिसेंबरची रात्र अनेकांसाठी त्रासदायक ठरली आहे. पोलिसांनी १२९ जणांना दारू पिऊन वाहन

ड्रंक अँड ड्राईव्ह : १४५ गुन्हे दाखल चंद्रपूर : ३१ डिसेंबरची रात्र अनेकांसाठी त्रासदायक ठरली आहे. पोलिसांनी १२९ जणांना दारू पिऊन वाहन चालविण्याच्या आरोपात अटक केली आहे. यामध्ये १४५ गुन्ह्यांची नोंद करण्यात आली. पोलीस अधीक्षक संदीप दिवाण यांच्या मार्गदर्शनात नवीन वर्ष आगमनाच्या पार्श्वभूमीवर वाहतुकीवर नियंत्रण व जिल्ह्यात कुठेही लहान मोठे अपघात होणार नाही याची दक्षता म्हणून ड्रांक अँड ड्राईव्हच्या मोठ्या प्रमाणात केसेस करण्यात आल्यात. ३१ डिसेंबर रोजी पोलीस स्टेशन बल्लारशाह येथे पाच, पोलीस स्टेशन पडोली येथे चार, पोलीस स्टेशन दुर्गापूर येथे तीन, भद्रावती सहा, घुग्घुस सहा, चिमूर नऊ, तळोधी दोन, चंद्रपूर शहर सात, राजुरा चार, विरूर दोन, मूल सहा, गडचांदूर तीन, भारी एक, पिट्टीगुडा येथे एक, नागभीडला पाच, गोंडपिपरी चार, शेगाव पाच, माजरी चार, सावली सहा, सिंदेवाही तीन, पोंभुर्णा एक, भिसी येथे चार, जिवती चार, कोरपना चार, टेकामांडवा दोन, धाबा येथे एक, कोठारी एक, लाठीमध्ये चार, पाथरी येथे एक, रामनगर पोलीस स्टेशन १२, ब्रह्मपुरी १२, वरोरा येथे १३असे एकूण ३० पोलीस स्टेशन अंतर्गत १४५ गुन्ह्यांची नोंद करण्यात आली आहे. या विधिध ठिकाणीच्या १२९ आरोपींना अटक करण्यात आली आहे. (प्रतिनिधी) दारूबंदीनंतर महापूर ४जिल्ह्यात दीड वर्षांपूर्वी दारूबंदी लागू करण्यात आली. तेव्हापासून दररोज अवैध दारू विक्रेत्यांविरोधात कारवाई करण्यात येत आहे. दारूमुळे अनेकांचे संसार उद्ध्वस्त झाले असल्याचे दारूबंदी लागू करण्यात आल्याचा दावा करण्यात आला होता. परंतु गेल्या दीड वर्षात दारुबंदी लागू होऊन त्याचा चंद्रपूरकरांवर कोणताही परिणाम झाला नसल्याचे सवत: पोलीस आपल्या प्रसिद्धी पत्रकातून सांगत आहेत. ३१ डिसेंबरच्या रात्री मोठ्या प्रमाणात दारूचा महापूर संपूर्ण जिल्ह्यात वाहात असल्याचे ड्रंक अँड ड्राईव्ह मोहिने सिद्ध केले आहे.