युवकास मारहाण करून लुटले

अमित सुनील बेंडवाल व त्याचा मित्र किरण गायकवाड हे १९ जुलै राेजी जिजामाता महाविद्यालयाच्या मैदानात सायंकाळी ५ वाजता बसलेले हाेते. या वेळी तेथे कृष्णा भास्कर पवार (रा. शिक्षक काॅलनी, चांडक ले आउट, बुलडाणा) व संतोष जाधव (रा. गोडे काॅलेजजवळ, बुलडाणा), किशोर ठाकरे (गोडे काॅलेजजवळ, बुलडाणा) तिघे आले. कृष्णा पवार याने लोखंडी राॅडने बेंडवाल याच्या हातावर व पायावर मारला. तसेच डाेक्यावरही राॅड मारला. तसेच बेंडवालकडे असलेला २० हजार रुपये किमतीचा माेबाइल व राेख २ हजार रुपये त्यांनी घेतले. किरण गायकवाड याने मला त्यांच्या तावडीतून सोडल्याने ते तिघे जण पळून गेल. या प्रकरणी बुलडाणा शहर पाेलिसांनी तिघांविरुद्ध विविध कलमान्वये गुन्हा दाखल केला आहे़