दोन ट्रकची धडक; एक ठार, सहा जखमी

नांदुरा-खामगाव मार्गावर घडला अपघात.

खामगाव(जि. बुलडाणा), दि. २८- दोन ट्रकची समोरा-समोर धडक होऊन झालेल्या अपघातात ट्रक चालक ठार झाल्याची घटना नांदुरा-खामगाव मार्गावर आमसरी गावानजीक बुधवारी दुपारी घडली. तसेच अपघातग्रस्त ट्रकला एसटी बसने मागून धडक दिल्यामुळे बसमधील चार प्रवाशांसह सह जण जखमी झाले. नागपूरकडून भोईसरकडे जाणार्‍या एम.एच.0४-सी.जी.५८५२ क्रमांकाच्या ट्रकला समोरुन येणार्‍या एम.एच.१८-९३११ क्रमांकाच्या ट्रकने जोरदार धडक मारली. या अपघा तात मुंबई येथील ट्रक चालक इकरारभाई यांचा घटनास्थळावरच मृत्यू झाला, तर क्लीनर मोहिदकुमार चव्हाण हा युवक जखमी झाला. त्याचप्रमाणे दुसर्‍या ट्रकचे चालक धुळे जिल्ह्यातील मवाळी येथील नारायण भिलाजी नागमोडे हे गंभीर जखमी झाले. दरम्यान, याचवेळी एमएच ४0 एक्यू ६२१७ नागपूर-धुळे या बसने अपघातग्रस्त ट्रकला धडक दिली. त्यामुळे एसटी बसमधील चार प्रवासीही जखमी झाले. जखमींना तातडीने खामगाव सामान्य रुग्णालयात उपचारार्थ दाखल करण्यात आले आहे.