दोन अपघातांत १ ठार, १ गंभीर

दोन अपघातांमध्ये एक जण ठार, तर एक जण गंभीर.

शेगाव(बुलडाणा) : ३१ डिसेंबरच्या रात्री शेगाव परिसरात विविध ठिकाणी घडलेल्या दोन अपघातांमध्ये एक जण ठार, तर एक जण गंभीर जखमी झाल्याची घटना घडली. शेगाव येथील अतुल आनंदा नावकार व शेख सिकंदर हे दोघे मोटारसायकल क्रमांक एम.एच २८ ए १२६२ ने जवळा बु. येथून शेगावकडे येत असताना जवळा फाट्याजवळ समोरुन येणार्‍या एम.एच २८-३५४२ या मोटार सायकलीमध्ये अमोरासमोर अपघात झाला. यामध्ये आनंदा नावकार हा युवक जागीच ठार झाला. तर दोघे जखमी झाले तसेच दुसर्‍या घटनेत रात्री ९ च्या सुमारास अँपे (क्र एम.एच. १९ - ८९२४) चा चालक संतोष उर्फ बबन गजानन सानप यांनी आपल्या ताब्यातील वाहन निष्काळजीपणे चालवून वाटिका जवळ उभे असलेल्या ट्रॅव्हल्सवर धडकला. यामध्ये तो गंभीर जखमी झाला असून त्याच्यावर उपचार सुरु आहे.दोन्ही घटनांमध्ये शहर व ग्रामीण पोलीसात गुन्हे दाखल करण्यात आले आहे.