डोणगाव : समृद्धी महामार्गावर भरधाव ट्रक चालकाचे नियंत्रण सुटल्याने खाली काेसळला़ यामध्ये ट्रकचे माेठ्या प्रमाणात नुकसान झाले़ ही घटना चॅनल क्रमांक २६८वर ३० मार्चला घडली़ या घटनेत सुदैवाने जीवितहानी टळली़. छत्तीसगड येथून तांदूळ घेवून ट्रक (एमएच १२ डीसी ७०९२) पुणे येथे जात हाेता़ दरम्यान डाेणगावपासून जवळच असलेल्या समृद्धी महामार्गावरील चॅनल नंबर २६८ जवळ अचानक चालकाचे नियंत्रण सुटल्याने ट्रक रस्त्याच्या खाली काेसळला़ यामध्ये ट्रकचालक किरकाेळ जखमी झाला आहे़.
दुसरीकडे रस्त्याच्या खाली काेसळल्याने ट्रकचे माेठ्या प्रमाणात नुकसान झाले आहे़. या ट्रकमध्ये जवळपास ३० टन तांदूळ हाेता़ अपघातानंतर तांदूळ रस्त्यावर पडला हाेता. समृद्धीच्या लगत शेती असणाऱ्या शेतकऱ्यांना ही घटना कळताच रमेश आणकर, लहुजी पादरे, गणेश आणकर यांनी त्वरित ट्रक जवळ जाऊन चालकास बाहेर काढण्यास मदत केली़ जखमी चालकाला तातडीने उपचारांसाठी हलविण्यात आले़ या प्रकरणी वृत्त लिहिस्ताेवर गुन्हा दाखल करण्यात आला नव्हता़