शेगाव, दि. २९- शेगाववरून खामगावकडे जाणार्या ट्रकवर दुचाकी आदळल्याने एक जण ठार, तर एक जण गंभीर जखमी झाला. ही घटना शहरातील वाटिका चौकात बुधवारी रात्री ९.१५ वाजताचे सुमारास घडली. अपघातातील मृतक व जखमी हे खामगावचे रहिवासी असल्याचे समजते.खामगावकडे जाणार्या ट्रकवर (एम.पी. 0९-एचजी-२३६३ ) गौलखेडकडून येणारी मोटारसायकल (एमएच ३0-सी ७१५८) ट्रकवर पाठीमागून आदळली. मोटारसायकलवरील एक जण ट्रकच्या चाकाखाली आल्याने जागीच ठार झाला, तर दुसरा गंभीर जखमी झाला. अपघात घडताच परिसरातील नागरिकांनी जखमींना सईबाई मोटे सामान्य रुग्णालयात हलविले. मात्र, डॉक्टरांनी एकास मृत घोषित केले. गंभीर जखमी असलेल्या इसमाचे नाव विठ्ठल जाधव (रा.चांदमारी खामगाव) असे असून, मृतकाचे नाव सै.अनीस सै.जब्बार (हरीफैल खामगाव) असे असल्याचे समजते. घटनेची माहिती मिळताच ठाणेदार यशवंत बाविस्कर यांनी ट्रक ताब्यात घेतला. ट्रक चालकाने घटनेनंतर पळ काढला. दरम्यान, जखमीला पुढील उपचारार्थ अकोला येथे हलविण्यात आले आहे.
ट्रक-दुचाकीचा अपघात; एक ठार
By admin | Updated: March 30, 2017 02:34 IST