ठळक मुद्देनियमित पगारवाढ व्हावी व इतर मागण्यांसाठी जेलभरो आंदोलन
लोकमत न्यूज नेटवर्कमेहकर : नियमित पगारवाढ व्हावी व इतर मागण्यांसाठी ५ ऑ क्टोबर रोजी मेहकर व लोणार तालुक्यातील अंगणवाडी सेविका व मदतनिस यांचे जेलभरो आंदोलन करण्यात येणार आहे.अंगणवाडीसेविका व मदतनिस यांची पगारवाढ व्हावी, यासाठी संपूर्ण महाराष्ट्रामध्ये ११ सप्टेंबरपासून संप सुरु आहे. अंगणवाडीसेविका व मदतनिस यांच्या संपाकडे शासन दुर्लक्ष करीत असून, शासनाचे लक्ष वेधण्यासाठी ५ ऑक्टोबर रोजी मेहकर व लोणार तालुक्यातील शेकडो सेविका व मदतनिस यांचे मेहकर येथे जेलभरो आंदोलन करण्यात येणार आहे. या आंदोलनात जास्तीत जास्त सेविका व मदतनिस यांनी सहभागी होण्याचे आवाहन आयटकचे राज्य कमिटी सदस्य तथा बुलडाणा जिल्हाध्यक्ष नंदकिशोर गायकवाड, व. ना. गायकवाड, एस.आर.खोडके, .अलका राऊत यांनी केले आहे.