ट्रकच्या धडकेत तीन जखमी

ट्रकची दुचाकीला धडक, तीन दुचाकीस्वार गंभीर जखमी.

मलकापूर(जि. बुलडाणा), दि. १३- चिमुकल्यासह रस्ता ओलांडणार्‍या महिलेला वाचविण्याच्या प्रयत्नात ट्रकची दुचाकीला धडक बसून, या धडकेत तिघे दुचाकीस्वार गंभीर जखमी झाल्याची घटना सोमवारी सकाळी १0.३0 वाजेच्या सुमारास राष्ट्रीय महामार्ग क्र.६ वरील दसरखेड एमआयडीसी चौफुलीवर घडली. एक अज्ञात महिला चिमुकल्याला कडेवर घेऊन रस्ता ओलांडत असताना त्या महिलेला वाचविण्याच्या प्रयत्नात एमपी0९-एचएच२९९५ या क्रमांकाच्या ट्रक चालकाने ट्रक बाजूला ओढला. दरम्यान, ट्रक दुचाकीवर धडकताच दुचाकीस्वार राजेंद्र नामदेव शिंदे (वय ४८), मुकुंदा विष्णू सुरळकर (वय ३२), ईश्‍वरसिंग प्रतापसिंग पवार (वय ४0) हे रस्त्याच्या कडेला उसळले व गंभीररीत्या जखमी झाले. याचवेळी या मार्गावरून प्रचाराकरिता जात असलेले शिवसेना तालुकाप्रमुख विजय साठे यांच्यासह दसरखेड एमआयडीसी पोलीस स्टेशनचे पोकाँ प्रमोद पोलाखरे, एएसआय अंबादास पवार, मदन पवार आदींनी घटनास्थळी धाव घेतली. जखमींवर वैद्यकीय अधिकार्‍यांनी प्राथमिक उपचार करीत राजेंद्र नामदेव शिंदे, व मुकुंदा विष्णू सुरळकर या दोघांना बुलडाणा सामान्य रुग्णालयात हलविले, तर ईश्‍वरसिंग प्रतापसिंग पवार यांना जळगाव खान्देश येथे नेण्यात आले. अपघातातील तिघे जखमी हे तिघ्रा येथील रहिवासी असून, पोलिसांनी ट्रक ताब्यात घेतला आहे.