अवैध व्यवसाय करणा-या तिघांना अटक

अवैध व्यावसायिकांविरोधात सोनाळा पोलीसांची धडक कारवाई सुरू .

संग्रामपूर (जि. बुलडाणा) : नव्यानेच स्थापन करण्यात आलेल्या सोनाळा पोलीस ठाण्यांतर्गत अवैध व्यावसायिकांविरोधात पोलिसांनी धडक कारवाई सुरू केली आहे. दरम्यान, गुरुवारी पोलिसांनी केलेल्या या कारवाईत ११ हजार ८00 रुपयांची देशी दारू व अन्य साहित्य जप्त करण्यात आले आहे. प्रकरणात ताब्यात घेण्यात आलेल्यांना न्यायालयाने १४ दिवसांची पोलीस कोठडी सुनावली आहे. पोलीस ठाण्यातील हद्दीत येत असलेल्या टुनकी गावात घनश्याम नंदलाल जैस्वाल, सोगोडा येथील किशोर जैस्वाल आणि वसाली येथील मांगीलाल गणपत डुडवा यांना या प्रकरणात पोलिसांनी अटक केली आहे. त्यांच्याकडून पोलिसांनी एकूण ११ हजार ९00 रुपयांची देशी दारू व दारू बनविण्याचे साहित्य असा मुद्देमाल जप्त केला आहे. त्यांच्या विरोधात सोनाळा पोलीस ठाण्यात गुन्हे दाखल करण्यात आले असून, न्यायालयात तिघांनाही हजर केले असता न्यायालयाने त्यांची १६ डिसेंबरपर्यंत पोलीस कोठडीत रवानगी करण्यात आली आहे. ही कारवाई ठाणेदार सचिनसिंह परदेशी, पोलीस उपनिरीक्षक सुनील बडगुजर, पोलीस नायक श्याम कपले, एएसआय संजय सदानशिव, प्रेमसिंह बघेल, भानुदास तायडे, संतोषसिंह राजपूत, भाऊसाहेब मोरे, जाधव, राठोड यांनी सहभाग घेतला होता. सोनाळा परिसरात मोठय़ा प्रमाणावर अवैध व्यवसाय सुरू असून आतापर्यंंत हे गाव तामगाव पोलीस स्टेशमध्ये असल्याने पोलिसांचे याकडे दुर्लक्ष होत होते. आता अशा व्यावसायिकावर वचक बसला आहे.