लोकमत न्यूज नेटवर्कजलंब: ४५ वर्षीय इसमाने गळफास घेऊन आत्महत्या केल्याची घटना ८ जुलै रोजी सायंकाळी ६ वाजताच्या सुमारास माटरगाव येथे घडली. शेगाव तालुक्यातील माटरगाव येथील रहिवासी शशिकांत सुखदेव तायडे (वय ४५ वर्षे) या इसमाने स्थानिक आठवडी बाजारातील शॉपिंग कॉम्प्लेक्समध्ये स्वत:च्या कापड दुकानामध्येच सायंकाळी ६ वाजताच्या सुमारास दुकान बंद करून पंख्याच्या छताला दोरीने गळफास घेऊन आत्महत्या केली. आत्महत्या नेमकी कशामुळे केली, याचे कारण समजू शकले नाही. मृतक शशिकांत यांच्या पश्चात आई, पत्नी, २ मुले, मुलगी, भाऊ असा बराच मोठा आप्त परिवार आहे. या प्रकरणी जलंब पोलिसांनी मर्ग कलम १७४ जाफौ अन्वये गुन्हा दाखल केला आहे. पुढील तपास पोहेका शित्रे करीत आहे.
इसमाची गळफास घेऊन आत्महत्या
By admin | Updated: July 10, 2017 00:49 IST