खामगाव (जि. बुलडाणा) : शालेय शिक्षण व क्रीडा विभागाच्या आदेशानुसार ह्यसरलह्ण योजनेंतर्गत भरण्यात येणार्‍या ऑनलाइन माहितीसाठी शालेय विद्यार्थ्यांचा रक्तगट तसेच आधार क्रमांकाची माहिती देणे अनिवार्य नसल्याचे गुरुवारी शिक्षण विभागाच्या प्रधान सचिवांनी व्हिडिओ कॉन्फरन्सिंगमध्ये स्पष्ट केले. ह्यसरलह्ण योजनेंतर्गत भरण्यात येणार्‍या ऑनलाइन माहितीमध्ये रक्तगट तसेच आधार क्रमांकाची माहिती देणे अनिवार्य असल्याचा अर्थ काढण्यात आला होता. यासंदर्भात ह्यलोकमतह्णने सत समोर आणण्यासाठी शासननिर्णयातील तरतुदी प्रकाशित करताच रक्तगटाची माहिती सक्तीची नसल्याचे जिल्हा प्रशासनाने स्पष्ट केले होते. आता आधार कार्डचीही सक्ती नसल्याची बाब गुरुवारी शिक्षण विभागाच्या प्रधान सचिवांनी स्पष्ट केली. जिल्ह्यातील प्रत्येक मान्यताप्राप्त शाळा, त्या शाळेमध्ये कार्यरत शिक्षक, शिक्षकेतर कर्मचारी व शाळेत प्रवेश घेतलेल्या सर्व विद्यार्थ्यांची संपूर्ण माहिती ह्यसरलह्ण प्रणालीद्वारे ऑनलाइन भरण्याचे काम जिल्ह्यातील प्रत्येक शाळेत सुरू आहे. या कार्यपद्धतीमुळे प्रत्येक संस्था, शिक्षक व विद्यार्थी यांची सर्व प्रकारची माहिती ऑनलाइन उपलब्ध होणार आहे. या अर्जामध्ये असलेल्या जवळपास ९0 रकान्यांपैकी केवळ १५ मुद्दय़ांचीच माहिती भरणे अपेक्षित आहे. ही सर्व माहिती विद्यार्थ्यांच्या दाखल खारीज रजिस्टरमध्ये आधीच समाविष्ट असल्याने सहज उपलब्ध आहे. या माहितीसोबतच रक्तगट व आधार कार्डची माहिती सरल प्रक्रियेत विचारली आहे. त्यामुळे अनेक शाळांनी रक्तगट तपासणी व आधार कार्डची सक्ती करून विद्यार्थ्यांना किंवा पालकांना वेठीस धरले होते. रक्तगट लिहिणे ऐच्छिक असल्याचे समोर आल्यावर गुरुवारी जिल्हाधिकारी कार्यालयात झालेल्या व्हिडिओ कॉन्फरन्सिंगमध्ये शिक्षण विभागाचे प्रधान सचिव नंदकुमार, शिक्षण आयुक्त डॉ. पुरुषोत्तम भापकर, महाराष्ट्र प्राथमिक शिक्षण परिषदेचे प्रकल्प समन्वयक शिंदे यांनी जिल्ह्यातील प्राथमिक व माध्यमिक शिक्षणाधिकारी यांच्यासमवेत पंचायत समितीच्या गटशिक्षणाधिकार्‍यांशी संवाद साधला. आधार कार्डची सक्ती नको, असल्यास माहिती भरा, असे स्पष्ट निर्देश यावेळी देण्यात आले. यामुळे ग्रामीण भागातील विद्यार्थ्यांना दिलासा मिळाला आहे.
शाळेत माहिती देताना विद्यार्थ्यांना आधार कार्डची सक्ती नाही
By admin | Updated: July 31, 2015 00:34 IST