सोनाळा : गावासह परिसरात काल ११ जून रोजी संध्याकाळी सुमारे दीडतास वादळाने थैमान घातल्याने गावातील शेकडो घरावरील टिनपत्रे उडून घरांची पडझड झाली. तर अनेकांच्या घरावर झाडे कोलमडून पडल्याने भिंती पडल्या. तसेच वीजेचे खांब सुध्दा तुटले त्यामुळे वीजपुरवठा खंडित झाला आहे. सोनाळा व परिसरात काल ्११ जून रोजी सायंकाळी ६ वाजता आकाशात काळे ढग गोळा होवून विजांच्या कडकडाटासह अचानक सोसाट्याच्या वार्‍याला सुरूवात झाली. गाव परिसरातही सुमारे दीडतास या वादळाने थैमान घातले. या वादळाने गावातील शेकडो घरांवरील टिनपत्रे उडून अनेकांच्या घरावर फेकल्या गेली. घरात पाणी शिरून अनेकांची घरे पडली. घरावर निंब, पिंपळ, बाभुळ झाडे कोलमडून पडून घरे जमीनदोस्त झाली. वीजेचे खांब तुटल्याने रात्रभर विद्युत पुरवठा खंडीत होता. या वादळाने सोनाजी नगरातील दादाराव पवार, बाळु तायडे, मनोहर तायडे, शे.रसूल शे.अमीन, लक्ष्मण तायडे, नारायण बास्कार, रामदास गवई, गजानन वाकोडे यांच्या घराची पडझड झाली तर टिनपत्रे उडून गेली आहेत. सोनाजी महाराज पेठमधील गजानन राऊत, जयंता हिवराळे, संजय राऊत, देवराव मुरखे यांच्या घरावर निंबाचे झाड पडल्याने घराची पडझड झाली. पंचशील नगरात संतोष वानखडे, राजेश वानखडे, सिध्दार्थ वानखडे, गौतम वानखडे, आनंद हिवराळे, रमेश वानखडे, रमेश मोहता आदिंच्या घरांची पडझड होवून टिनपत्रे उडाली. शंकर अंबोरे, शे.बसा शे.फकीरा, भाऊराव समदुर, श्रीपत वानखडे, रमेश तायडे, शंबुताई मेहता, कमलाबाई मेहता, सुनील उंबरकार, दिनेश राऊत यांच्या घराची पडझड होवून टिनपत्रे उडाली आहेत. पोल उभारण्याचे काम सुरू रात्रभर वीजपुरवठा खंडित असल्याने सोनाळा विद्युत वितरण कंपनीचे दुय्यम अभियंता एम.एच. डेरे यांनी पातुर्डा व सोनाळा येथील १२ कर्मचार्‍यांचा ताफा आणून तातडीने गावात वीज खांब उभारुन वीजवाहिनी सुरळीत करण्याचे काम सुरु केले आहे.त्यामुळे विद्युत पुरवठा सुरू होणार आहे.
सोनाळा येथे वादळाचे थैमान
By admin | Updated: June 12, 2014 22:18 IST