संग्रामपूर: गत तीन वर्षांपासून अल्पवयीन मुलीचे लैंगिक शोषण करून मारहाण करण्याचा धक्कादायक प्रकार तालुक्यात उघडकीस आला. याप्रकरणी मंगळवारी रात्री सोनाळा पोलीस ठाण्यात गून्हा दाखल करण्यात आला.
संग्रामपूर तालुक्यातील एका गावात सन २०२१ पासून अजय संतोष लोणकर याने १७ वर्षीय अल्पवयीन मुलीसोबत अनैतिक संबंध ठेवले. मोबाईलमध्ये असलेले फोटो व्हायरल करण्याची धमकी देत आरोपीने १७ फेब्रुवारीला अल्पवयीन मुलीवर शेगाव येथील एका गेस्टहाऊसवर अत्याचार केला. तसेच मूलगी खामगाव येथील कॉलेज समोर आरोपीने तिला मारहाण करीत जिवाने मारण्याची धमकी दिली.
५ मार्चला रात्री उशिरा अल्पवयीन मुलीच्या फिर्यादीवरून सोनाळा पोलीस ठाण्यात आरोपी अजय संतोष लोणकर विरुद्ध कलम २७६,३७६(२)(एन)(जे) ३२३,५०४,५०६ कलम ४, पोस्को २०१२ आर/डब्ल्यू ३(१)(आर)(एस)(डब्ल्यू) एससी एसटी अॅक्ट १९८९ नूसार गून्हा दाखल करण्यात आला आहे. पूढील तपास मलकापूर उपविभागीय पोलिस अधिकारी डी.एस.गवळी करीत आहेत.