खुलेआम अमली पदार्थांची विक्री

अमली पदार्थ विरोधी दिन; समाजात जनजागृतीची गरज.

मेहकर (जि. बुलडाणा) : अमली पदार्थविरोधी दिन २६ जून रोजी राज्यभर साजरा केला जातो. या एकाच दिवशी प्रशासनाला अमली पदार्थाच्या दुष्परीणामाची आठवण होते; मात्र वर्षभर खुलेआम अमली पदार्थांची विक्री होत असून, समाजात जनजागृतीची गरज आहे. संयुक्त राष्ट्रसंघाने १९८७ पासून अमली पदार्थांच्या विरोधात पुढाकार घेतला आहे तसेच देशात नार्कोटिक ड्रग्ज अँण्ड सायकोट्रॉफिक सबस्टन्स अँक्ट १९८५ हा अमली पदार्थविरोधी कायदा आहे. या कायद्यामुळे अमली पदार्थांंचे वितरण, सेवन, विक्री, वाहतूक, साठा, आयात-निर्यात यावर बंदी आहे; परंतु पोलिस यंत्रणेला अमली पदार्थविरोधी कायद्याचाच विसर पडला आहे. अमली पदार्थविरोधी दिन २६ जून रोजी राज्यभर अमली पदार्थविरोधी पथकाकडून विविध उपक्रमांच्या माध्यमातून साजरा केला जातो. अमली पदार्थविरोधी दिनाला ह्यअमली पदार्थांचे दुष्परिणामह्ण यावर भाषणे ऐकायला येतात तसेच जिल्हा परिषदेच्यावतीनेही व्यसनमुक्तीचे धडे दिले जातात. पोलीस यंत्रणेलाही केवळ याच दिवशी अमली पदार्थविरोधाची आठवण होत आहे; परंतु खुलेआम सुरू असलेल्या अमली पदार्थांंच्या विक्रीवर पोलीस यंत्रणेकडून कुठलीच कारवाई केली जात नाही. त्यामुळे अमली पदार्थ विक्रेत्यांनाही पोलिसांचे अभय मिळत आहे. बुलडाणा जिल्ह्यात सद्यस्थितीत अमली पदार्थाची विक्री ुखुलेआम सुरू असून, याला तरुणाई बळी पडत आहे. शहराबरोबरच ग्रामीण भागातील साध्या टपरीमध्येही गांजासारख्या अमली पदार्थाची विक्री केली जात आहे. गोरगरीब, बेरोजगार हे छोट्या-छोट्या टपरींमधून ५0 ते १00 रुपयांपर्यंंत अमली पदार्थ खरेदी करतात. याची स्थानिक पोलिसांना मात्र खबरबातही नसल्याने पोलिसांचा एकूण कारभार चव्हाट्यावर आला आहे.