शंभुराजांना अभिवादन करण्यासाठी रॅली

खामगावात छत्रपती संभाजी राजे जयंतीनिमित्त भव्य मोटारसायकल रॅली.

खामगाव : यावर्षीही मराठा पाटील युवक समितीच्यावतीने छत्रपती संभाजी राजे जयंतीनिमित्त १४ मे रोजी शहरातून भव्य मोटारसायकल रॅली काढण्यात आली. या रॅलीत संभाजी ब्रिगेड, मराठा सेवा मंडळ, देशमुख समाज युवक मंडळ, जय भवानी सेवा ग्रुप, युवा मराठा ग्रुप, मराठा महासंघ यासह विविध मराठा, बहुजन संघटनांनी सहभाग घेतला. मराठा पाटील युवक समितीच्यावतीने यावर्षीसुद्धा रुग्णांना फळवाटप, रक्तदान शिबिर घेण्यात आले. तसेच मराठा पाटील युवक समितीचे जिल्हाध्यक्ष गजानन ढगे यांच्या नेतृत्वात भव्य मोटारसायकल रॅली काढण्यात आली. छत्रपती शिवाजी महाराजांच्या पुतळ्यास अभिवादन करून रॅलीस प्रारंभ झाला. त्यानंतर शहरातील महापुरुषांच्या पुतळ्यांना अभिवादन करीत ऋषी संकुल येथे रॅलीचा समारोप झाला.