‍ साखरखेर्डा येथे उद्या रक्तदान शिबिराचे आयाेजन

कोरोना काळात रक्तपेढ्यांमधील रक्तसाठा हा कमी झाला आहे. गरजू रुग्णांना रक्त मिळणे कठीण झाले आहे . आपण केलेल्या रक्तदानामुळे एखाद्या व्यक्तीचे प्राण वाचू शकतात . आज देशाला रक्ताची नितांत गरज आहे . त्या अनुषंगाने साखरखेर्डा येथे रक्तदान शिबिराचे आयोजन करण्यात आले आहे . या शिबिराला अनिकेत सैनिक स्कूल , श्री शिवाजी व्यायाम शाळा , ज्ञानगंगा मार्गदर्शन केंद्र , प्राथमिक आरोग्य केंद्र , जिल्हा परिषद सदस्य , माजी जिल्हा परिषद सदस्य , सरपंच , माजी सरपंच , ग्रामपंचायत सदस्य , विविध पक्षाचे पदाधिकारी मोलाचे सहकार्य करणार आहेत . आपणही एक जबाबदारी म्हणून रक्तदान शिबिरात भाग घेऊन सहकार्य करावे, असे आवाहन करण्यात आले आहे़ प्रत्येक रक्तदात्याला प्रमाणपत्र देण्यात येऊन सन्मान करण्यात येणार आहे़