रजतनगरीला अवैध मोबाईल बँकांचे ग्रहण!

खामगाव शहराला गत काही काळापासून ‘मोबाईल बँक’ या नावाने ओळखल्या जाणार्‍या अवैध सावकारीचे ग्रहण लागले आहे.

खामगाव: रजतनगरी म्हणून ख्याती असलेल्या खामगाव शहराला गत काही काळापासून ह्यमोबाईल बँकह्ण या नावाने ओळखल्या जाणार्‍या अवैध सावकारीचे ग्रहण लागले आहे. तथाकथित मोबाईल बँकेच्या माध्यमातून चक्रवाढ पद्धतीने व्याज वसुली केल्या जात असल्याने अनेकांचे संसार उद्ध्वस्त झाले आहेत.राज्यात एकेकाळी कापूस आणि त्यानंतर चांदीच्या दागिण्यांमुळे रजतनगरी म्हणून नावारूपास आलेले खामगाव शहर गत काही काळापासून, सावकारीसाठी ओळखल्या जाऊ लागले आहे. शहरातील तथाकथित अवैध मोबाईल बँकांमुळे तर आता हे शहर मोबाईल बँकांचे शहर म्हणून नवी ओळख निर्माण करू लागले आहे. गेल्या काही वर्षांत अडचणीत आलेल्या शेतकर्‍यांना अधिकृत बँकांकडून कर्ज मिळत नसल्यामुळे, अवैध मोबाईल बँकांचा व्यवसाय चांगलाच फोफावला असून, चक्रवाढ पद्धतीच्या व्याज वसुलीमुळे अनेकांचे संसार उघड्यावर आले आहेत.शहरात या तथाकथित बँकांचे जाळे मोठय़ा प्रमाणात पसरले असून, पैसे वसुलीसाठी त्यांनी गुंड प्रवृत्तीच्या तरुणांची टोळकी पोसली आहेत. **  मोबाईल बँकह्ण म्हणजे काय?खासगी सावकाराकडून दैनंदिन परतफेडीच्या अटीवर कर्ज दिले जाते. एका ठिकाणाहूनच हा व्यवसाय केला जातो; मात्र सावकाराचे एजंट दररोज फिरून मुद्दल आणि व्याजाची रक्कम गोळा करतात. सावकाराच्या एजंटकडे हप्ता देणे शक्य नसल्यास, कर्जदाराला ती रक्कम खासगी सावकाराच्या निर्धारित ठिकाणी जमा करावी लागते. रकमेची नियमित परतफेड न झाल्यास, दामदुपटीने दंडाची आकारणी केली जाते. विहित मुदतीत परतफेड न केल्यास रक्कम चक्रवाढ पध्दतीने वाढविल्या जाते. हा सर्व व्यवहार नियमबाह्य पद्धतीने होत असून, याकडे संबधीत यंत्रणा डोळेझाक करीत आहे. अनेक अवैध मोबाईल बँका सावकारी कायद्याचीही सर्रास पायमल्ली करीत आहेत.