महाज्योती निबंध स्पर्धेचे बक्षीस वितरण

निबंध स्पर्धेचे विषय स्त्री-पुरुष समानता, सावित्रीबाई फुले आणि सार्वत्रिक शिक्षण, सावित्रीबाई फुले यांचे विचार हे होते. स्पर्धेचे सनियंत्रण महाज्योतीचे समन्वयक अविनाश खिल्लारे, उमेश खराडे यांनी केले तर मूल्यांकन प्रा. प्रियंका देशमुख, सतीश बाहेकर यांनी केले. तसेच विजेत्या स्पर्धकाला क्रमांकाची निवड सहायक आयुक्त डॉ. अनिता राठोड यांच्या मार्गदर्शनाखाली करण्यात आली. या स्पर्धेचे प्रथम पारितोषिक पल्लवी गजानन अंभोरे, मॉडेल डिग्री कॉलेज, बुलडाणा, द्वितीय प्रद्युम्न किसन लोखंडे, देवगिरी महाविद्यालय, औरंगाबाद तर तृतीय क्रमांक वैष्णवी महेश ठाकरे, जी. एस. कॉलेज खामगाव यांना मिळाला. विजेत्यांना पारितोषिक वितरण जिल्हाधिकारी एस. रामामूर्ती यांच्या हस्ते २८ जानेवारी रोजी त्यांच्या दालनात करण्यात आले. प्रथम पारितोषिक दहा हजार रु., द्वितीय पाच हजार व तृतीय दोन हजार पाचशे रुपये होते. त्यानुसार सदर रकमेचे धनादेश वाटप करण्यात आले. याप्रसंगी सहायक आयुक्त डॉ. अनिता राठोड, समाज कल्याण निरीक्षक राजेश खरुले, प्रणिता बावणकर, तालुका समन्वयक सतीश बाहेकर उपस्थित होते.