साखरखेर्डा येथे सुरू केली पाणपाेई

मधुकर खरात यांचे गावापासून एक किलोमीटर अंतरावर रोड लगत शेत आहे .या शेतामध्ये विविध प्रकारचे भाजीपाला फळाचे उत्पादन ते घेत असतात . यावर्षी त्यांनी रसवंती सुद्धा सुरू केले होती .परंतु तळपत्या उन्हात प्रवास करणाऱ्या प्रवाशांसाठी काहीतरी केले पाहिजे या उदात्त हेतूने ईद व अक्षय तृतीयेच्या दिवशी राम - रहीम - नावाने पाणपोई सुरु केली .या पाणपोईचे उद्घाटन ग्रामविकास अधिकारी अर्जुन गवई यांच्या हस्ते करण्यात आले. यावेळी सरपंच विनोद खरात, पोलीस पाटील मदन हाडे, तंटामुक्ती अध्यक्ष मधुकर गावंडे , माजी सरपंच रमेश पागोरे, प्रकाश खोसे मास्तर ,सुरेश खरात, पत्रकार सचिन खंडारे, सैनिक योगेश बंगाळे ,शरद खरात ,गुलाबराव बेलोडे आदी उपस्थित हाेते़