मेहकर आगारात चालक म्हणून कार्यरत असलेले नागझरी बु. येथील जगन्नाथ मारोती देवकर हे रात्री ड्यूटी संपल्यावर दुचाकीने (क्रमांक एमएच २८ जे ९१४८) मेहकरकडून घरी येत हाेते. हाकेच्या अंतरावरच घरी पोहोचायच्या अगोदरच अज्ञात वाहनाने त्यांच्या दुचाकीला जबर धडक दिली. यामध्ये त्यांचा जागीच मृत्यू झाला. ही माहिती सकाळी तीन वाजेच्या सुमारास रोडवरून जात असलेल्या प्रवाशाने पोलीस हेल्पलाइन १०० या क्रमांकावर संपर्क साधून दिली. त्यानंतर त्यांना गावचे पोलीस पाटील प्रकाश गवई, पोलीस प्रशासन व ग्रामस्थांनी १०८ रुग्णवाहिकेने उत्तरीय तपासणीसाठी ग्रामीण रुग्णालय मेहकर येथे हलविले. त्यांच्या पश्चात आई, तीन भाऊ, पत्नी, मुलगा, मुलगी व आप्त परिवार आहे. त्यांच्या एकाकी जाण्याने परिसरामध्ये हळहळ व्यक्त होत आहे. त्या अज्ञात वाहनाला शोधून कारवाई करण्याची मागणी ग्रामस्थ करीत आहेत. घटनास्थळाचा पंचनामा करून घटनेचा पुढील तपास मेहकर पोलीस स्टेशनचे ठाणेदार आत्माराम प्रधान यांच्या मार्गदर्शनाखाली घिके, राठोड करीत आहेत.
घरी पाेहोचण्यापूर्वीच काळाचा घाला
जगन्नाथ देवकर घरापासून हाकेच्या अंतरावर हाेते. घरी पाेहोचण्यापूर्वीच त्यांच्या दुचाकीला अज्ञात वाहनाने धडक दिल्याने त्यांचा मृत्यू झाला.