अज्ञात वाहनाच्या धडकेत एक ठार

चिखली खामगाव रोडने पायी जात असताना अज्ञात वाहनाने धडक दिल्याने ५८ वर्षीय इसम जागीच ठार झाल्याची घटना घडली आहे.

लोकमत न्यूज नेटवर्कअमडापूर: येथून जवळच असलेल्या वैरागड येथील चिखली खामगाव रोडने पायी जात असताना अज्ञात वाहनाने धडक दिल्याने ५८ वर्षीय इसम जागीच ठार झाल्याची घटना घडली आहे. याबाबत अमडापूर पो.स्टे.ला जगदीश जगन्नाथ भंडारे रा. वैरागड याने माहिती दिली की, २४ जून रोजी सकाळी ५ वाजेला रामदास शंकर पवार (वय ५८) रा. वैरागड हे गावाला लागून असलेल्या खामगाव-चिखली रोडने पायी जात होते. दरम्यान, अज्ञात वाहनाने रामदास पवार यांना जबर धडक दिल्याने ते जागीच ठार झाले.