कंटेनर-दुचाकीच्या अपघातात एक ठार

बुलडाणा : भरधाव जाणाऱ्या कंटेनरने समोरून येणाऱ्या स्कुटीला जबर धडक दिली. या अपघातात स्कुटीवरील एक ठार तर एक जण गंभीर जखमी झाले.

लोकमत न्यूज नेटवर्कबुलडाणा : भरधाव जाणाऱ्या कंटेनरने समोरून येणाऱ्या स्कुटीला जबर धडक दिली. या अपघातात स्कुटीवरील एक ठार तर एक जण गंभीर जखमी झाले आहेत. ही घटना १९ मे रोजी सकाळी साडे दहा वाजेच्या सुमारास शहरातील जयस्तंभ चौकात घडली.चिखली येथून एच.आर. ३८/ व्ही/ १९०९ या क्रमांकाचा कंटेनर मलकापूरकडे जात होता, तर पोखरी येथील शंकर दौलत एकडे (५०) व येळगाव येथील प्रभाकर लष्कर (४५) हे दोघे एम.एच. २८/ २१४३ या क्रमांकाच्या स्कुटीने येथील आठवडी बाजाराकडे जात होते.जयस्तंभ चौकात येताच त्यांच्या दुचाकीला समोरून येणाऱ्या कंटेनरने जबर धडक दिली. या अपघातात स्कुटीवर दोघेही जण गंभीर जखमी झाले. अपघात घडताच दीपक तुपकर, कुणाल गायकवाड, अनिल बावस्कर, शिवाजी गाडेकर, लखन गाडेकर व महेश देवरे यांनी तातडीने घटनास्थळी धाव घेऊन जखमींना येथील जिल्हा सामान्य रुग्णालयात उपचारार्थ भरती केले; परंतु दोघांची प्रकृती चिंताजनक असल्यामुळे त्यांना पुढील उपचारासाठी औरंगाबाद येथे हलविण्यात आले. दरम्यान, अपघातातील जखमी शंकर दौलत एकडे यांचा मृत्यू झाला. या घटनेतील कंटेनरचालकाला पोलिसांनी अटक केली आहे.