खामगाव : खामगाव- शेगाव रस्त्यावर लासुरा फाट्यानजीक मोटारसायकल व अाँटोची समोरासमोर धडक होऊन एक जण जागीच ठार झाला तर १0 जण जखमी झाल्याची घटना काल रविवारी रात्री १0 वाजेच्या सुमारास घडली. याप्रकरणी शेगाव ग्रामीण पोलिसांनी दोन्ही वाहन चालकाविरुद्ध गुन्हा दाखल केला आहे. शेगावकडून मोटारसायकल क्रमांक एम.एच.२८ जे ७00३ ने राहुल भोजने वय ३४ रा. तिंत्रव, तालुका शेगाव हा खामगावकडे येत असताना समोरुन येणार्या ऑटो क्रमांक एम.एच.२८ टी २0३७ ची धडक झाली. यामध्ये मोटारसायकलस्वार राहुल भोजणे हा जागीच ठार झाला. तर ऑटोमध्ये असलेले शे. जावेद शे. जाबीर (२२),खैरुनबी शे. अकिल (३0), साबीयाबानो शे. साबीर (१५), तबसुम बानो शे. जाकीर (१८), सय्यद अली शे. अकली (८), सैफुनिया शे. अकील (९), राजिया बानो शे. जाकीर (२५), नुरजहा परविन सर्व राहणार इदगाह परिसर, शेगाव हे जखमी झाले होते. या जखमींना येथील सामान्य रुग्णालयात आणण्यात येऊन उपचार करण्यात आले. तर यातील गंभीर जखमी असलेल्या सहा जणांना अकोला येथे हलविण्यात आले. ऑटोतील सर्वजण इफ्तार पार्टीसाठी खामगाव येथे नातेवाईकांकडे आले होते. तर इफ्तार पार्टी आटोपून शेगावला परत जात होते. याप्रकरणी पोहेकाँ श्रीकृष्ण नायसे यांच्या फिर्यादीवरुन शेगाव ग्रामीण पोलिसांनी दोन्ही वाहनचालकांविरुद्ध कलम ३0४ अ, २७९, ३३७, ३३८ भादंविनुसार गुन्हा दाखल केला आहे.
अपघातात एक ठार, १0 जखमी
By admin | Updated: July 14, 2014 23:03 IST