लोकमत न्यूज नेटवर्क
बुलडाणा : काेराेना संसर्ग वाढत असल्याने राज्यभरात ‘ब्रेक द चैन’अंतर्गंत कडक निर्बंध लादले आहेत. काेराेना संसर्ग वाढल्यामुळे घरगुती काम करणाऱ्या माेलकरणी आर्थिक संकटात सापडल्या आहेत. नाेंदणीकृत माेलकरणींना मदत देण्याची घाेषणा राज्य शासनाने केली आहे. मात्र, जिल्ह्यातील एकही माेलकरीण यासाठी पात्र नसल्याचे चित्र आहे.
जिल्ह्यातील ३ हजार ६४३ माेलकरणींनी कामगार कार्यालयात नाेंदणी केली आहे. मात्र, दाेन ते तीन वर्षांपासून त्यांनी नूतनीकरण केलेले नाही. तसेच तालुका व गावपातळीवर काम करणाऱ्या अनेक माेलकरणींनीनी नाेंदणीच केलेली नाही. त्यामुळे त्यांना शासनाच्या पॅकेजचा लाभ मिळणार नसल्याचे चित्र आहे. काेराेनामुळे अनेक माेलकरणींना काम मिळणे बंद झाले आहे. अनेकांनी घरात माेलकरणीला कामावर न येण्यास सांगितले आहे. आधीच अठरा विश्व दारिद्र असलेल्या माेलकरणींवर काेराेनाच्या रूपाने आणखी एक संकट आले आहे. या माेलकरणींना मदत देण्याची घाेषणा शासनाने केली असली तरी नाेंदणीकृत असलेल्यांना ही मदत मिळणार आहे. त्यामुळे इतर माेलकरणींना मदतीपासून वंचित राहावे लाणार आहे.
सहा हजार माेलकरणींची नाेंदच नाही
जिल्ह्यात जवळपास १० हजार माेलकरणी आहेत. त्यापैकी केवळ ३ हजार ६४३ माेलकरणींनी नाेंदणी केली आहे. दाेन ते तीन वर्षांपासून नूतनीकरण केलेले नाही. शासनाकडून विविध याेजनांच्या माध्यमातून माेलकरणींना लाभ देण्यात येणार आहे. मात्र, अनेक माेलकरणींना माहितीच नसल्याने त्यांनी नूतनीकरण केलेले नाही. त्यामुळे, सहा हजारांपेक्षा जास्त माेलकरणी मदतीपासून वंचित राहण्याची शक्यता व्यक्त हाेत आहे.
नूतनीकरण आवश्यक
जिल्हाभरातील ३ हजार ६४३ माेलकरणींनी कामगार कार्यालयात नाेंदणी केली आहे. मात्र, दाेन ते तीन वर्षांपासून नाेंदणीचे नूतनीकरण केलेले नाही. नाेंदणी केल्यानंतर दरवर्षी नूतनीकरण करावे लागते. मात्र, नाेंदणी केलेल्या एकाही माेलकरणीने नूतनीकरण केलेले नाही. त्यामुळे त्यांना लाभापासून वंचित राहावे लागण्याची शक्यता आहे. तसेच बहुतांश माेलकरणींनी तर नाेंदणीच केलेली नाही. त्यामुळे, शासनाने पॅकेज जाहीर केले असले तरी जिल्ह्यातील माेलकरणींना त्याचा लाभ मिळणार नसल्याचे चित्र आहे.
गतवर्षी मार्च महिन्यापासून काेराेना संसर्ग वाढल्यानंतर काम मिळणे बंद झाले आहे. आधीच अल्प मजुरी मिळते. त्यातच मिळणारे कामही बंद झाल्याने आर्थिक संकट आले आहे. शासनाने नाेंदणीकृतची अट न ठेवता सरकट मदत देण्याची गरज आहे. तरच लाभ मिळेल.
शांताबाई इंगळे
कामगार कार्यालयात नाेंदणी करावी लागते, याविषयी माहितीच नाही. त्यामुळे, नाेंदणी केली नाही. गेल्या वर्षीपासून काम बंद झाल्याने कुटुंबाचा उदरनिर्वाह कसाबसा हाेताे. यावर्षी पुन्हा काेराेना संसर्ग वाढल्याने अनेक घरमालकांनी कामावर बाेलावणे बंद केले आहे. त्यामुळे, शासनाने भरीव मदत देण्याची गरज आहे.
सविता वानखडे, बुलडाणा
काेराेनाचा सर्वाधिक फटका माेलकरीणला बसला आहे. काेराेनाच्या भीतीने घरमालकांनी घरकामाला बाेलावणे बंद केले आहे. त्यामुळे, उदर निर्वाह करताना कसरत करावी लागत आहे. शासनाने नाेंदणीकृतची अट शिथिल करून सरसकट घरकाम करणाऱ्या सर्वच महिलांना मदत द्यावी.
रजनी जाधव, बुलडाणा