मोटार सायकलच्या धडकेत महिला ठार

शेंदुर्जनकडून भरधाव वेगाने येणार्‍या मोटारसायकलच्या धडकेत एका वृध्द महिलेचा जागीच मृत्यू झाल्याची घटना.

लोकमत न्यूज नेटवर्कसाखरखेर्डा : शेंदुर्जनकडून भरधाव वेगाने येणार्‍या मोटारसायकलच्या धडकेत एका वृध्द महिलेचा जागीच मृत्यू झाल्याची घटना जवळच असलेल्या बाळसमुद्र फाट्याजवळ १५ जुलै रोजी दुपारी १ वाजता घडली. मृतक रेश्माबाई ङ्म्रीराम खरात (रा.निमगाव वायाळ ता.सिं.राजा) ही ८0 वर्षीय वृध्द महिला आपल्या नातीच्या भेटीला बाळसमुद्र येथे दामोधर साळवे यांचेकडे १३ जुलै रोजी रात्री आपल्या पतीसह आली होती व मुक्कामानंतर १५ जुलै रोजी निमगाव वायाळ या आपल्या गावी जाण्यासाठी गावामधून बाळसमुद्र फाट्यापर्यंंत एका प्रवासी अँटोत बसून आली. अँटोमधून उतरल्यानंतर शेंदुर्जनकडून भरधाव येणार्‍या एम.एच.२१ १३३८ या क्रमांकाच्या मोटार सायकलची जबर धडक वृध्द महिलेला बसली. या धडकेत सडकेवर पडून त्याचे डोक्याला जबर मार लागला व जागेवरच त्याचा मृत्यू झाला. तेथून महिलेला नातेवाईक व नागरिकांनी साखरखेर्डा येथे डॉ.खरात यांचे रूग्णालयात आणले. मात्र डॉक्टरांनी त्यांना मृत घोषित केले. तर मोटारसायकल जप्त करून आरेपी गजानन अर्जुन म्हसूरकर याला ताब्यात घेतले आहे.