ऑनलाइन लोकमत
बुलडाणा, दि. 5 - ‘‘बेटी बचाओ, बेटी पढाओ’’ कार्यक्रमाअंतर्गत मुलीची संख्या जिल्ह्यात वाढविण्याकरीता व्यापक जनजागृतीसाठी महाराष्ट्र परिवहन महामंडळ बुलडाणा व आरोग्य विभाग जिल्हा परिषद बुलडाणा यांच्या संयुक्त विद्यमाने लाडली एक्सप्रेस सुरू करण्यात आली आहे. या शाळेत ये- जा करणाºया विद्यार्थिंनीसाठी सदर एक्सप्रेस सुरू करण्यात आली आहे.
‘‘बेटी बचाओ बेटी पढाओ’’ या कार्यक्रमाअंतर्गत जिल्ह्यात मुलीची संख्या वाढविण्याकरीता विविध कार्यक्रम हाती घेण्यात आलेले आहे. मुलीचे महत्त्व, मुलीच्या शिक्षणाचे महत्व जनतेमध्ये पटवून देण्याकरीता शासनाकडून मोठ्या प्रमाणावर प्रयत्न सुरु आहेत. सध्या क्रीडा, शिक्षण, राजकीय, शासकीय नोकऱ्या ह्या सर्व क्षेत्रात मुली पुरुषांच्या तुलनेत आघाडीवर आहेत.
महाराष्ट्र परिवहन महामंडळाच्या बसेस जिल्ह्यातील सर्व ग्रामीण भागापर्यंत हजारो प्रवाशांची नेआण करतात. एस.टी.बसवर ‘बेटी बचाओ, बेटी पढाओ’ चा संदेश देऊन मुलींची संख्या जिल्ह्यात वाढविण्याकरीता व्यापक जनजागृती होण्याकरिता मुख्य कार्यकारी अधिकारी दीपा मुधोळ यांच्या संकल्पनेतुन महाराष्ट्र परिवहन महामंडळ बुलडाणा व आरोग्य विभाग जिल्हा परिषद बुलडाणा यांच्या संयुक्त विद्यमाने एस.टी.बसवर ‘बेटी बचाओ, बेटी पढाओ’ हा संदेश देवून सावित्रीबाई फुले यांच्या जयंतीचे औचित्य साधून
डॉ.विजय झाडे जिल्हाधिकारी बुलडाणा यांच्या शुभहस्ते लाडली एक्सप्रेसचे उद्घाटन करण्यात आले. या उपक्रमामुळे व्यापक जनजागृती होऊन जनतेमध्ये मोठ्या प्रमाणावर परिवर्तन होईल व ते मुलांकरीता गर्भलिंग निदान करणार नाही. तसेच ज्या कुटूंबामध्ये मुली आहेत त्यांचे संगोपन चांगल्या रितीने करून त्यांना उच्च शिक्षीत करतील असे मनोगत डॉ.विजय झाडे जिल्हाधिकारी यांनी यावेळी केले.
यावेळी सदर कार्यक्रमास श्रीमती दीपा मुधोळ मुख्य कार्यकारी अधिकारी जिल्हा परिषद बुलडाणा डॉ.शिवाजी पवार जिल्हा आरोग्य आरोग्य अधिकारी अनिल मेहतर विभागीय नियंत्रक बुलडाणा, सुभाष पाटील, विभागीय वाहतुक अधिकारी रविंद्र खेडेकर आगार व्यवस्थापक दिपक साळवे स्थानक प्रमुख दीपक वैद्य सहाय्यक वाहतुक नियंत्रक, महाराष्ट्र परिवहन महामंडळ बुलडाणा तसेच डॉ.आर.डी.गोफणे अति.जिल्हा आरोग्य अधिकारी डॉ.प्रशांत बढे तालुका आरोग्य अधिकारी बुलडाणा, डॉ.इमरान खान तालुका आरोग्य अधिकारी चिखली, डॉ.सैयद वैद्यकीय अधिकारी प्रा.आ.केंद्र चांडोळ, आर.बी.जाधव जिल्हा विस्तार व माध्यम अधिकारी श्री.राजेश लोखंडे तसेच आरोग्य विभाग व एस.टी.महामंडळाचे अधिकारी व कर्मचारी व बसस्थानकातील अनेक प्रवासी मोठ्या प्रमाणावर हजर होते. (प्रतिनिधी)