करडी धरणात तरुणाचा मृतदेह आढळला!

मृतक धाड येथील रहिवासी.

धाड (जि. बुलडाणा) : येथील करडी संग्राहक तलावात एका अज्ञात इसमाचे मृतदेह तरंगताना आढळून आल्याची घटना ३ जुलै रोजी सकाळी ११ वाजता घडली. बुलडाणा तालुक्यातील धाड जवळच असलेल्या करडी धरणाचे परिक्षेत्रात नदीच्या पात्रातील पाण्यात रविवारी सकाळी ११.३0 च्या सुमारास अज्ञात इसमाचा मृतदेह तरंगत असल्याचे आढळले. या घटनेची माहिती पोलिसांना मिळताच घटनास्थळी पोलिसांनी पाहणी करून प्रेत पाण्याबाहेर काढून पंचनामा केला असता मृतक इसम हा धाडमधील असून, त्याचे नाव शे.हमीद शे.गफ्फार (वय ३0) असे असल्याचे समजले.याबाबत पोलिसांनी मृतकाचे घरच्या मंडळीला माहिती देऊन प्रेत उत्तरीय तपासणीसाठी रवाना केले. याप्रकरणी पोलिसांनी र्मग दाखल केला आहे. तपास ठाणेदार एल.डी. सोद्मो व त्यांचे सहकारी करीत आहेत. या घटनेची माहिती मिळताच धाड परिसरातील नागरिकांनी करडी धरणावर धाव घेतल्यामुळे मोठी गर्दी झाली होती.