जावयाने अल्पवयीन साळीला पळविले!

जळगाव जामोद तालुक्यातील घटना.

जळगाव जामोद (जि. बुलडाणा), दि. २८- तालुक्यातील आदिवासी ग्राम राजुरा खुर्द येथील अल्पवयीन साळीला फूस लावून पळवून नेल्याप्रकरणी जावयासह पाच जणांविरुद्ध जळगाव पोलिसांनी गुन्हा दाखल केला आहे. राजुरा खुर्द येथे रामलाल भगोड्या हा त्याच्या सासर्‍याकडे घरजावई म्हणून राहत होता. त्याने त्याच्या अल्पवयीन साळीला फुस लावून पळवून नेले. तसेच दोघेही गत चार महिन्यांपासून त्यांचा शोध घेतला. मात्र ते आढळून न आल्याने शेवटी आपल्या मुलीची विक्री केली असावी असा संशय अल्पवयीन मुलीच्या आईने पोलिसात दाखल तक्रारीत केला आहे. याप्रकरणी आरोपी रामलालला त्याची पत्नी मुन्नी, मंजुर असरसिंग जामरा, असरसिंग गिलदारसिंग जमरा व तेरसिंग जमरा यांची साथ असल्याचे तक्रारीत म्हटले आहे. यावरून जळगाव जामोद पोलिसांनी आरोपींविरुद्ध भादंविच्या कलम ३६३, ३४ अन्वये गुन्हा दाखल केला. अद्याप आरोपींना अटक झाली नाही. तेरसिंग जमरा व इस्लामपुरचा रहिवासी असून इतर सर्व आरोपी राजुरा खुर्दचे आहेत.