जगदंबा पतसंस्थेचे व्यवस्थापक व संचालक मंडळाचा जामिन रद्द

अमडापूर परिसरातील गारपिटग्रस्तांच्या अनुदानातून अपहार प्रकरण

अमडापूर : अमडापूर व परिसरातील शेतकर्‍यांच्या गारपिट अनुदानातून येथील जगदंबा पतसंस्थेच्या व्यवस्थापक व तलाठय़ाने प्रति शेतकरी १00 रु पये कपात केल्याप्रकरणी पतसंस्थेच्या व्यवस्थापक व संचालकांनी न्यायालयातून मिळविलेल्या तात्पुरता अटकपूर्व जामीन मिळविला होता. दरम्यान आज न्यायालयाने त्यांचा अटकपूर्व जामीन फेटाळला आहे. येथील जगदंबा पतसंस्थेमधून शेतकर्‍यांना गारपीटची मदत वाटप करण्यात आली. मात्र पतसंस्थेचे व्यवस्थापक व तलाठी यांच्या संगनमताने प्रति शे तकरी १00 रुपये कपात करण्यात आली होती. याबाबत तहसीलदार राजेश्‍वर हाडे यांनी १७ जून रोजी अमडापूर पो.स्टे.ला तक्रार दिल्याने व्यवस्था पक एकनाथ काळे व एका तलाठय़ाविरुध्द कलम ४२0, ५00, ३४ प्रमाणे गुन्हा दाखल करुन पुढील तपास ठाणेदार मेश्राम यांनी सुरु केला होता. या पतसंस्थेचे संचालक बबन सिताराम गिर्‍हे, गजानन सुपेकर, बंडू तुकाराम ढोले, मुरलीधर देशमुख, सदाशिव वानखडे, गजानन बोराडे, अर्जुन नेमाडे, गजानन इंगळे, दिलीप वाघ, द्वारका खंदलकर, पुंडलिक गवळी, प्रवीण कपाळे, सुनील जैन यांनी शासनाचा आदेश नसतांना शेतकर्‍यांचे मद तीमधून प्रत्येकी १00 रुपये कपातीचा बेकायदेशीररित्या संस्थेचा ठराव घेतल्याने संचालकांनी अटकपूर्व तात्पुरता जामिन मिळविला होता. परंतु आज व्यवस्थापक व संचालकांचा जामिन रद्द झाल्याने आता ठाणेदार केव्हाही व कोणत्याही क्षणी व्यवस्थापकासह संचालकांना अटक करु शकतात. तसेच यामध्ये दोन तलाठी सुध्दा या प्रकरणात अटक होण्याची शक्यता वर्तविली जात आहे.