अकृषक आदेशप्रकरणातील आरोपींच्या कोठडीत वाढ

चिखली : बनावट अकृषक आदेशप्रकरणी चिखली पोलिसांनी अटक केलेल्या आरोपींच्या कोठडीत चार दिवसांची वाढ झाली आहे.

चिखली : बनावट अकृषक आदेशप्रकरणी चिखली पोलिसांनी अटक केलेल्या तत्कालीन तलाठी रियाज शेख व उपविभागीय अधिकारी बुलडाणा यांच्या कार्यालयातील तत्कालीन स्टेनो विजय गोविंदराव जाधव व त्याचा खासगी एजंट सचिन उर्फ पप्पू दिनकरराव देशमुख या तिघांच्या पोलीस कोठडीत चार दिवसांची वाढ झाली आहे.बनावट अकृषक आदेशप्रकरणात चिखलीतील भूखंडधारकांसह तत्कालीन नायब तहसीलदार डब्ल्यू.एस. मोरे, मंडळ अधिकारी अशोक वाळके व तलाठी रियाज शेख, असे एकूण १६ जणांवर महसूल विभागाने मोठी कारवाई करून फौजदारी गुन्हे दाखल करण्याची कारवाई ८ आॅक्टोबर २०१६ रोजी केली आहे. यामध्ये आणखी दोघांची भर पडून उपविभागीय अधिकारी बुलडाणा यांच्या कार्यालयातील तत्कालीन स्टेनो विजय गोविंदराव जाधव व त्याचा खासगी एजंट सचिन ऊर्फ पप्पू दिनकरराव देशमुख या दोघांना २४ जून रोजी पहाटे २ वाजेदरम्यान पोलिसांनी अटक केली होती व या दोघांना मेहकर न्यायालयाने २८ जूनपर्यंत पोलीस कोठडी ठोठावली होती. या प्रकरणात न्यायालयापुढे शरणागती पत्करलेल्या तलाठी रियाज शेख यालादेखील २८ जूनपर्यंत पोलीस कोठडी ठोठावण्यात आली होती.