अवैधरेती वाहतूक; दोन टिप्पर पकडले

बुलडाणा : जिल्ह्यातील रेती घाटातून रेतीची चोरी करुन रेतीची अवैध वाहतून करण्याचे प्रमाणा वाढले आहे. आज १ आक्टोबर रोजी रोजी जालना जिल्ह्यातील वाढोना येथील रेतीची चोरटी वाहतुक करणारे दोन टिप्पर साखळी येथील मंडळ अधिकारी एम.डी.नैताम यांनी पकडले. ही करवाई चिखली मार्गावरील येळगाव फाट्यानजिक सायंकाळी करण्यात आली.त्यांच्याकडून ६२ हजार रुपयाचा दंड वसूल करण्यात आला. चौकशी दरम्यान दोन्ही वाहनचालकांकडे रॉयल्टीची पावती आढळून न आल्यामुळे दोन्ही वाहन बुलडाणा तहसिल कार्यालयात जमा करण्यात आले. टिप्पर क्र. एम.एच.२१ एक्स ५१७६ चे मालक रविंद्र दिलीप धुनावत रा.वाढोना जि.जालना याला हे ४ ब्रास रेतीची अवैध वाहतूक करीत असल्याचे आढळून आले. या प्रकरणी ६२ हजार आठशे रुपयाचा दंड आकारण्यात आला. तसेच टिप्पर क्र. एमएच २८ एबी ७८९८ ची रॉयल्टी करण्यात आली होती. हे टिप्पर पकडण्यात आले, अशी माहिती टिप्पर मालक मिर्जा यांनी कारवाई अधिकार्‍यांना दिली. या प्रकरणी तपास सुरु आहे.