अनुदान पाहिजे, तर आधी पूर्ण पैसे भरा!

कृषी साहित्याचे अनुदान थेट लाभार्थ्यांंच्या खात्यात जमा होणार.

नाना हिवराळे / खामगाव : कृषी विभागाच्या वतीने शेतकर्‍यांना देणार्‍या विविध योजनातील साहित्य खरेदीसाठी अनुदान हवे असेल तर आता यापुढे १00 टक्के रकमेचा भरणा करावा लागेल. पुर्ण भरलेल्या रकमेतून अनुदान भेट शेतकर्‍यांच्या खात्यात जमा केले जातील असे आदेश शासनाने ऑगस्ट महिन्यात दिले असुन या संदर्भात २0 नोव्हेंबर पासुन कार्यवाही सुरू करण्यात आली आहे. परिणामी ५0 टक्के अनुदानावर साहित्य खरेदी करण्यासाठी दमछाक होणार्‍या शेतकर्‍यांना पूर्ण रकमेचा भरणा कसा करावा असा प्रश्न भेडसावत आहे. राष्ट्रीय अन्न सुरक्षा अभियानांतर्गत शेतकर्‍यांना (५0 टक्के किंवा अनुदानाची रक्कम कमी असेल) अनुदानावर कृषी औजाराचे वाटप करण्यात येते. यामध्ये पॉवर टिलर, रोटाव्हेटर, स्वयंचलित भात लागवड यंत्र, ड्रम सीडर, मनुष्यचलीत फवारणी पंप, पावर नॅपसॅक फवारणी पंप, पंप संच, युरिया ब्रिकेट मशीन स्पायरल सेपरेटर, शेततळे, तसेच राष्ट्रीय गळीत धान्य विकास कार्यक्रमा अंतर्गत मनुष्यचलीत औजारे, नॅपसॅक, पावरस्प्रेअर, रोटाव्हेटर, बीबीएफ आदी साहित्याचे वाटप करण्यात येते. साहित्याचे शेतकर्‍यांना थेट वाटप होत असून अनुदानाची रक्कम वगळता उर्वरीत रकमेचा भरणा करावा लागत असे परंतु यापुढे केंद्र शासनाच्या कृषी विभागाच्या शासन निर्णयानुसार राष्ट्रीय अन्न सुरक्षा अभियान २0१५-१६ अंतर्गत औजारे घटकासाठी अनुदानाची रक्कम थेट लाभार्थ्यांंच्या खात्यावर जमा करण्याचे निर्देश दिले आहे. यामुळे औजारे वितरणाच्या सध्याच्या प्रचलित पध्दतीमध्ये बदल होणार आहे. शेतकर्‍यांना साहित्य हवे असल्यास कृषी विभागाकडे अर्ज करावा लागतो. लक्षांकानुसार शेतकरी लाभार्थींंची निवड केली जाईल. लाभार्थी निवडीसाठी तालुका कृषी अधिकारी, मंडळ कृषी अधिकारी, कृषी अधिकारी (पं.स.), प्रगतीशिल शेतकरी (१), कृषि अधिकारी, तालुका कृषी अधिकारी यांची समिती गठीत करण्यात आली आहे. या समिती कडून निवड झालेल्या शेतकर्‍यांना पूर्वसंमती मिळणार आहे. पुर्वसंमती मिळाल्यापासून ४५ दिवसाच्या आत औजाराची खरेदी करणे व अनुदान मिळण्यासाठी कृषी सहाय्यकाकडे प्रस्ताव सादर करण्यापर्यंंत यानंतर तांत्रीक बाबींची रक्कम जमा होईल.