दीड लाख नागरिकांनी साधला ‘योग’

बुलडाणा जिल्ह्यातील १५0 शाळांचा सहभाग; ग्रामीण भागात अल्प प्रतिसाद.

बुलडाणा : ह्यकरा योग, राहा निरोगह्ण या मंत्राचा अंगीकार करीत जिल्ह्यातील १ लाख ५0 हजार नागरिकांनी रविवारी आंतरराष्ट्रीय योग दिनानिमित्त विविध योगासने केली. यामध्ये १५0 शाळा-महाविद्यालयांतील विद्यार्थ्यांसह विविध संस्था, सामाजिक संघटना, क्रीडा संघटनांनी भाग घेतला होता. शारीरिक व मानसिक आरोग्य प्राप्त करून देणारी ह्ययोगह्ण ही शक्ती मानवी आरोग्याला लागलेल्या रोगांच्या ग्रहणाला दूर सारू शकते. योग ही जीवन जगण्याची साधना आणि शरीरस्वास्थ्य टिकविण्याचे रामबाण औषध आहे. आंतरराष्ट्रीय योगदिनानिमित्त जिल्ह्यात ठिकठिकाणी योगासने करण्यासाठी शिबिरांचे आयोजन करण्यात आले होते. ग्रामीण भागात मात्र याला अल्प प्रतिसाद मिळाला. बुलडाणा येथे जिजामाता प्रेक्षागाराच्या प्रांगणात शेकडो नागरिकांनी सहभागी होत योगसाधना केली. जिल्हा परिषदेच्या मुख्य कार्यकारी अधिकारी दीपा मुधोळ यांनी दीप्रज्वलन करून या कार्यक्रमाचे उद्घाटन केले. यावेळी अपर जिल्हाधिकारी शिवानंद टाकसाळे, जिल्हा पोलीस अधीक्षक संजीवकुमार बाविस्कर, अपर पोलीस अधीक्षक श्‍वेता खेडकर, जिल्हा क्रीडा अधिकारी गणेश जाधव, शिक्षणाधिकारी वैशाली ठग, नेहरू युवा केंद्राचे जिल्हा युवा समन्वयक डॉ. दत्ता देशमुख आदी उपस्थित होते. तालुक्याच्या ठिकाणी तालुका क्रीडा संकुल येथे कार्यक्रम घेण्यात आले. नागरिकांसोबतच अधिकारी, कर्मचारी यांनीही आसने केली.