कृषिकन्येकडून शेतकऱ्यांना मार्गदर्शन

नाशिक येथील मविप्र समाज संचलित कर्मयोगी दुलाजी सीताराम पाटील कृषी महाविद्यालयांतर्गत ग्रामीण कृषी कार्यानुभव कार्यक्रमांतर्गत चारा प्रक्रिया, सेंद्रिय शेती व मधुमक्षिकापालन याबाबत मार्गदर्शन केले. जनावरांच्या शरीरातील ऊर्जा वाढविण्यासाठी शारीरिक वाढ, तंदुरुस्ती व स्वास्थ्यासाठी आवश्यक असणारी प्रथिने, क्षार व पोषकतत्त्वे यासाठी चारा व्यवस्थापन कसे करावे, याबद्दल मार्गदर्शन केले. तसेच दूध उत्पादन व जनावरांच्या रोगप्रतिकारशक्ती वाढीसाठी व्यवस्थापन कसे करावे, याबद्दलची माहिती देऊन शेतकऱ्यांच्या चारा व्यवस्थापन, मधुमक्षिकापालन, दूध उत्पादकता व रोगप्रतिकारशक्ती याबाबतच्या विविध प्रश्नांचे निरसन केले. कृषिकन्येला या कामासाठी प्रा.डॉ. आय. डी. चव्हाण, कार्यक्रम समन्वयक प्रा. एस. बी. सातपुते , प्रा.डॉ. भगुरे, प्रा. सी. एस. देसले, प्रा. के. जे. पानसरे, मधमाशी अभ्यासक डॉ. डी. शिंदे यांचे मार्गदर्शन लाभले.