बुलडाणा : सामान्य प्रशासनासह जिल्हा परिषदेच्या विविध विभागातील आज पहिल्या दिवशी समुपदेशनाने १३५ अधिकारी कर्मचार्‍यांच्या बदल्या करण्यात आल्या. यामध्ये सामान्य प्रशासन विभागातील प्रशासकीय २५, विनंतीवरून ३४ तर आपसी ८ अशा ६७ तर इतर विभागातील प्रशासकीय २६, विनंतीवरून ४२ अशा एकूण ६८ बदल्या करण्यात आल्या. सामान्य प्रशासन विभागातील सहायक प्रशासन अधिकार्‍यांच्या २, क. प्रशासन अधिकारी १, वरिष्ठ सहायकाच्या १0, कनिष्ठ सहायक ४0, परिचर १२ आणि एका वाहन चालकाची बदली करण्यात आली. याशिवाय कृषी विभागातील विस्तार अधिकारी २, पशुधन पर्यवेक्षक १४, शाखा अभियंता ६, स्थापत्य अभियंता १, सहायक लेखाधिकारी २, कनिष्ठ लेखाधिकारी ४, ग्रामविकास अधिकारी ८, ग्रामसेवक १0, पर्यवेक्षिका १४ आणि कनिष्ठ सहायक १ तर पंचायतचे विस्तार अधिकार्‍यांच्या ५ बदल्या करण्यात आल्या. श्री शिवाजी सभागृहात झालेल्या या बदल्यांच्यावेळी जि.प.अध्यक्ष वर्षा वनारे, उपाध्यक्ष पांडुरंगदादा पाटील, सभापती बलदेवराव चोपडे यांच्यासह सर्व पदाधिकारी, मुख्यकार्यकारी अधिकारी तसेच सर्व खाते प्रमुख उपस्थित होते.
पहिल्या दिवशी १३५ जि.प. कर्मचार्‍यांच्या बदल्या
By admin | Updated: May 22, 2014 23:39 IST