यामध्ये अैारंगाबाद येथील राजेंद्र कुंदनमल चोपडा यांनी धाड पोलिसात तक्रार दिली आहे. त्यानुसार धाड मधील अैारंगाबाद रोडवर असलेल्या त्यांच्या जागेवर गावातील मोहम्मद सलीम मोहम्मद नुर, मोहम्मद राजीक म. सुलतान, म. शकील अ. रफिक, म. निसार म. नुर, विष्णु दौड, अनिस नुर मोहम्मद, एकनाथ दौड यानी मुरूम टाकला. त्याची विचारणा केली असता संबंधितांनी शिवीगाळ करत मारहाण केली व जिवे मारण्याच्या धकम्या दिल्याचे तक्रारीत नमूद आहे. सोबतच ही जागा एकनाथ दौड यांच्याकडून विक घेतली असल्याचेही ते म्हणाले.
दरम्यान दुसऱ्या गटातील मोहम्मद सलीम म. नुर मोहम्मद यांनी दिलेल्या तक्रारीत म्हंटले आहे की, आमच्या जागेवर काम सुरू असताना राजेंद्र कुंदनमल चोपडा आणि मंगेश देविदास जाधव व इतर पाच जण आले आणि आमच्या जागेवर मुरूम टाकू नका असे म्हणत शिवीगाळ करत मारहाण केली, असे तक्रारीत नमूद आहे. त्यावरून पोलिसांनी दोन्ही गटातील १४ जणांविरोधात गुन्हे दाखल केले आहे. शुक्रवारी वृत्त लिहीस्तोवर कोणालाही अटक करण्यात आली नव्हती. दरम्यान २६ ऑगस्ट रोजी रात्री हा वाद विकोपाला जाऊ नये म्हणून धाड येथे दंगा काबू पथकही बोलविण्यात आले होते. घटनेचा पुढील तपास धाड पोलिस करत आहेत.