वरखेड शिवारात शेतक-याची आत्महत्या

शेगाव तालुक्यातील घटना; निंबाच्या झाडाला घेतला गळफास.

शेगाव (जि. बुलडाणा), दि. २८- तालुक्यातील वरखेड बु. येथील श्रीकृष्ण महादेव हिंगणे (वय ३५) या शेतकर्‍याने निंबाच्या झाडाला गळफास घेऊन आत्महत्या केल्याची घटना २८ सप्टेंबर रोजी सकाळी उघडकीस आली. वरखेड बु. येथील श्रीकृष्ण महादेव हिंगणे या शेतकर्‍याने त्याच गावातील गोवर्धन देवमन हिंगणे यांच्या शेतातील निंबाच्या झाडाला गळफास घेतल्याच्या स्थितीत आढळून आले. याबाबत पोलीस पाटील श्रीकृष्ण हिंगणे यांनी ग्रामीण पोलीस स्टेशनला तक्रार नोंदवली असून, याबाबत पोलिसांनी आकस्मिक मृत्यूची नोंद केली आहे. या प्रकरणाचा पुढील तपास पोहेकॉ बन्सी करीत आहेत.