अचूक संगणकीकृत 7/12 साठी चावडी वाचनाची मोहीम

शासनाने चावडी वाचन ही विशेष मोहिम राबवायला सुरूवात केली आहे.

बुलडाणा झ्र सामान्य जनतेला बिनचूक डिजीटल स्वाक्षरीचा 7/12 हा 1 ऑगस्ट 2017 पासून उपलब्ध करण्यासाठी शासनाने चावडी वाचन ही विशेष मोहिम राबवायला सुरूवात केली आहे. या मोहिमेतंर्गत 15 मे 2017 पर्यंत जनतेने आपला संगणकीकृत गाव नमुना नंबर व 7/12 अचूक असल्याची खात्री करण्यासाठी संकेतस्थळास भेट द्यावी. काही आक्षेप असल्यास गावच्या तलाठी यांच्याशी संपर्क साधावा.त्याचप्रमाणे 15 मे ते 15 जून 2017 दरम्यान संगणकीकृत 7/12चे चावडी वाचन करण्यात येणार आहे. यामध्ये काही आक्षेप असल्यास गावच्या तलाठी यांच्याशी तात्काळ संपर्क साधावा.     तसेच 16 जून ते 31 जुलै 2017 दरम्यान संगणकीकृत 7/12 मधील माहितीत प्राप्त आक्षेपांचा विचार करून आवश्यक त्या दुरूस्त्या करण्यात येणार आहेत. त्याचप्रमाणे 1 ऑगस्ट 2017 पासून डिजीटल स्वाक्षरीत संगणकीकृत गाव नुमना नंबर  7/12 खातेदारांसाठी उपलब्ध असणार आहे.   तरी शेतकरी बांधवांनी आपला 7/12  या संकेतस्थळावर पाहून त्यामध्ये काही दुरूस्ती असल्यास तलाठी व तहसिलदार यांच्याशी संपर्क साधावा. तसेच चावडी वाचनाच्या वेळी उपस्थित रहावे, असे आवाहन जिल्हाधिकारी यांनी केले आहे.