८१ गावांत मृद आरोग्य पत्रिकेचे वितरण

जागतिक मृदा दिवस व आंतरराष्ट्रीय माती वर्ष विशेष; आरोग्यदायक मातीची गरज.

सुधीर चेके पाटील /चिखली (जि. बुलडाणा): माती संवर्धनाबाबत जनजागृती करण्यासाठी संयुक्त राष्ट्रसंघाच्या आमसभेत ५ डिसेंबर हा जागतिक मृदा दिवस आणि सन २0१५ हे वर्ष आंतरराष्ट्रीय माती वर्ष म्हणून जाहीर केले आहे. यानिमित्ताने मृद आरोग्य पत्रिका वितरणाचा कार्यक्रम हाती घेण्यात आला असून, बुलडाणा जिल्हय़ातील १३ तालुक्यांमधील ८१ गावांमध्ये मृद आरोग्य पत्रिका वितरण व तसेच शेतकर्‍यांना तांत्रिक मार्गदर्शन करण्यात येणार आहे. देशात कमी पाऊस व अधिक उष्णतामान असलेल्या भागात ओलीताच्या शेतीच्या माध्यमातून शे तकर्‍यांच्या समृद्धीची वाटचाल होत असनाच दुसरीकडे पाणी, रासायनिक खते, चुकीच्या पद्धतीने मशागत आदी कारणांमुळे दिवसेंदिवस जमिनीचा पोत बिघडत चालली आहे. महाराष्ट्रात जिराईत व बागायती क्षेत्रात सध्या ५0४ लाख हेक्टर क्षेत्रावरील क्षारयुक्ततेचा मोठा प्रश्न आहे. महाराष्ट्रातील ही समस्या व्यवस्थापनेच्या दृष्टीने भीषणावह आहे. कारण ओलीताच्या क्षेत्रात प्रामुख्याने काळ्या खोल आणि भारी स्वरूपाच्या जमिनी असून, त्यांची निचर्‍याची क्षमता कमी आहे. या पार्श्‍वभूमीवर ह्यआरोग्यदायी जीवनासाठी, आरोग्यदायक मातीह्ण या उपक्रमांतर्गत राज्यातील १0 लाख शे तकर्‍यांना मृद आरोग्य पत्रिकांचे वितरण व जनजागृतीचा कार्यक्रम राबविण्यात येणार आहे. या निमित्ताने बुलडाणा जिल्हय़ातील १३ तालुक्यांमधील ८१ गावांमध्ये मृद आरोग्य पत्रिका वितरीत करण्यात येणार आहेत. जमिनीचे आरोग्य अबाधित राखण्यासाठी व मृद तपासणीवर आधारित खतांच्या संतुलीत वापरास प्रोत्साहन देण्यासाठी राष्ट्रीय शाश्‍वत शेती अभियानांतर्गत मृद आरोग्य पत्रिका वितरण कार्यक्रमामध्ये निवडलेल्या गावातील शेतकर्‍यांना मार्गदर्शन करणार आहे.