देऊळगाव राजा : बुलडणा जिल्हा मराठी पत्रकार संघ संलग्न देऊळगाव राजा तालुका पत्रकार संघाच्या अध्यक्षपदी पत्रकार सुनील मतकर यांची उपाध्यक्षपदी राजेश पंडित, तर सचिवपदी मोहम्मद जमील यांची निवड करण्यात आली आहे. सरचिटणीसपदी सूरज गुप्ता, प्रसिद्धिप्रमुखपदी अमोल हरणे व सल्लागारपदी गजानन गोरे यांची बिनविरोध निवड करण्यात आली आहे
देऊळगाव राजा येथे स्थानिक विश्राम भवनात आचार्य बाळशास्री जांभेकर यांना अभिवादन करून पत्रकार दिन साजरा करण्यात आला. यावेळी नवीन कार्यकारिणी गठित करण्यात आली. यामध्ये महाराष्ट्र शासनाचा महात्मा गांधी तंटामुक्त पुरस्कारप्राप्त तसेच विविध सामाजिक संघटनांचे पुरस्कारप्राप्त सुनील मतकर यांचे नाव एकमताने संमत करण्यात आले. त्यामुळे त्यांची पत्रकार संघाच्या अध्यक्षपदी बिनविरोध निवड करण्यात आली. यावेळी पत्रकार संघाचे ज्येष्ठ सदस्य अर्जुनकुमार आंधळे, मुशीर खान कोटक, गजानन तिडके,प्रदीप हिवाळे, गजानन गोरे,अशोक जोशी, गजानन घुगे, सूरज गुप्ता, मोहम्मद जमील, राजेश पंडित, संतोष जाधव, अमोल बोबडे,
शेख उस्मान, अमोल हरणे, मुबारक शहा, परमेश्वर खांडेभराड, दत्ता हांडे, आदिल पठाण, शेख कदीर, राहुल नायर यांच्यासह अन्य पत्रकार उपस्थित होते.