खामगाव : राज्यशासन पातळीवरील एस.टी. कामगारांच्या विविध प्रलंबित मागण्यांच्या पूर्ततेसाठी एस.टी. कामगार संघटनेच्यावतीने आज मंगळवारी खामगाव आगारासमोर निदर्शने करण्यात आली. वेतन करारामधील ५५0 कोटी रूपये थकबाकी द्या, वाढीव १0 टक्के महागाई भत्ता लागू करावा, एसटीचे उत्पन्न वाढविण्यासाठी संघटनेने सूचविलेल्या उपाययोजनांची अंमलबजावणी, वेतन करारात मान्य केलेल्या परंतु अंमलबजावणी न झालेल्या बाबींची पूर्तता करणे या व इतर शासन स्तरावरील प्रलंबित मागण्यांच्या पूर्ततेसाठी राज्यभर निदर्शने करण्यात आली. या राज्यस्तरीय आंदोलन अंतर्गत खामगाव येथील आगारासमोरही आज निदर्शने झाली. संघटनेचे अध्यक्ष पी.व्ही. जोगदंड, संभाजी तनपुरे यांच्या मार्गदर्शनाखाली झालेल्या या आंदोलनात पी.डी. देशमाने, ए.एस. तोडकर, एम.आर. बलोदे, अशोक भुसारी, सी.एच. कासंडे, खान यांच्यासह संघटनेचे पदाधिकारी सहभागी झाले होते.
एसटी कामगार संघटनेची निदर्शने
By admin | Updated: May 28, 2014 00:37 IST