ठळक मुद्देजानेफळ येथील घटनाशेतात जात असताना वीज अंगावर पडली
लोकमत न्यूज नेटवर्कबुलडाणा : जिल्ह्यातील जानेफळ येथे शेतात जात असताना वीज अंगावर पडून सोळा वर्षीय शुभम वर्धमान वानखेडे या मुलाचा मृत्यू झाला. ही घटना गुरुवारी सायंकाळी साडे सहा वाजताच्या दरम्यान घडली. अचानक सुरु झालेल्या पावसामुळे शेतातील सोयाबीनची गंजी झाकण्यासाठी तो शेतात जात अस ताना त्याच्या अंगावर वीज कोसळली. त्याला गंभीर अवस्थेत मेहकर येथे उपचारासाठी दाखल करण्यात आले परंतु उपचार सुरु असताना त्याचा मृत्यू झाला. मेहकर तालुक्यातील मलकापूर पाग्रा येथून जवळच असलेल्या माडवा येथील झोटींगा शिवारात वीज कोसळून अजमत अमान खान (वय ३५) गंभीर जखमी झाले. यावेळी एक गाय ठार झाली असून रियाज अमान खान, नजीम अमान खान किरकोळ जखमी झाले आहे.