परिवर्तन पॅनलचा नऊ जागांवर विजय

देऊळगावराजा येथे शिक्षक पतसंस्थेवर भास्कर शिंगणे गटाचे वर्चस्व.

देऊळगावराजा : तालुका प्राथमिक शिक्षक सहकारी पतसंस्थेच्या निवडणुकीत परिवर्तन घडवून आले असून, गत १२ वर्षांपासून सत्तेत असलेल्या प्रगती पॅनलचा धुव्वा उडाला आहे. तर परिवर्तन पॅनलने ११ पैकी नऊ जागा जिंकून पतसंस्था काबिज केली आहे. गत बारा वषार्ंपासून देऊळगावराजा तालुका प्राथमिक शिक्षक सहकारी पतसंस्थेवर सुखदेव बुरकुल यांच्या नेतृत्वातील प्रगती पॅनलचे वर्चस्व होते. यावेळी भास्कर शिंगणे यांच्या नेतृत्वात परिवर्तन पॅनलच्या सर्व ११ उमेदवारांनी निवडणूक रिंगणात उडी घेतली. १९ एप्रिल रोजी मतदान येथील कृषी उत्पन्न बाजार समितीत घेण्यात आले. सर्वसाधारण मतदार संघात १४४ सर्वाधिक मते घेत मारोती शिवरकर विजयी झाले. याच बरोबर गजानन डोईफोडे १२0, प्रकाश मान्टे १२0, प्रताप वायाळ ११७, गजानन तळेकर ११४, राजेश नागरे १0९ यांना विजयी घोषित करण्यात आले. विमसप्रमध्ये राजेश सोनुने ११३ मते घेऊन विजयी झाले तर इतर मागास प्रवर्गात दीपक शिंगणे यांनी तत्कालीन अध्यक्ष सुखदेव बुरकुल यांचा १७ मतांनी पराभव केला. महिला राखीव प्रवर्गात वर्षा गायकवाड व निलांबरी मिसाळ यांचा विजय झाला. या मागासवर्गीय प्रवर्गात शांताराम इंगळे यांनी बबन कुमठे यांचा पराभव केला. या निवडणुकीत परिवर्तन पॅनलचे नऊ तर प्रगती पॅनलचे केवळ दोनच उमेदवारांचा निसटता विजय झाला.