मेहकर शहरात काँग्रेसची निदर्शने

ओबीसी समाजाचे रद्द झालेले आरक्षण हे मोदी सरकारची ओबीसी समाजाप्रती असलेली उदासीन कार्यपद्धती जबाबदार असल्याचा आराेप काॅंग्रेसने केला़ बुलडाणा जिल्हा काँग्रेस कमिटीचे अध्यक्ष राहुल बोंद्रे यांच्या सूचनेनुसार मेहकर शहर व तालुका काँग्रेस कमिटीच्या वतीने मेहकर शहरातील मेन रोड वरील अंजाना चौक येथे मोदी सरकार विरोधात निदर्शने, प्रचंड घोषणाबाजी करून निषेध करण्यात आला. यावेळी बुलडाणा जिल्हा काँग्रेस कमिटीच्या उपाध्यक्षा स्वाती पऱ्हाड, मेहकर शहर काँग्रेसचे अध्यक्ष कलीम खान, सेवादल काँग्रेसचे प्रदेश सरचिटणीस शैलेश बावस्कर, एनएसयूआयचे प्रदेश सचिव वसीम कुरेशी, मा.नगरसेवक संजय म्हस्के, युवानेते प्रा.विनोद पऱ्हाड, वैभव उमाळकर, अल्पसंख्यांक विभागाचे शहराध्यक्ष युनुस पटेल, महिला शहराध्यक्षा आरती दीक्षित, कुंडलिक बापू देशमुख, रवि मिस्कीन, युवक काँग्रेसचे शहराध्यक्ष अक्षय इनकर, ॲड.गोपाल पाखरे, रियाज कुरेशी, दत्ता गिर्हे, मुनाफ खान, नारायण पचेरवाल, छोटू गवळी, सुखदेव ढाकरके, सुनील अंभोरे, नारायण इंगळे, आकाश अवसरमोल, धर्मा बनचरे, शाहू गवळी, सादिक बागवान आदी पदाधिकारी व कार्यकर्ते उपस्थित होते.