खामगाव: कार उलटून झालेल्या अपघातात एक वृध्द महिला जागीच ठार झाली. तर पाच जण जखमी झाले. ही घटना खामगाव नांदुरा रस्त्यावरील चिखली आमसरी फाट्याजवळ घडली. या अपघातील जखमींना खामगाव येथील एका खासगी रूग्णालयात भरती करण्यात आले.
याबाबत सविस्तर असे की, अकोला येथील नातेवाईकांच्या लग्नासाठी वर्हाडी घेऊन, एक प्रवासी बस आणि कार जात होती. दरम्यान, नांदुरा रस्त्यावर ट्रकला साईड देताना कार रस्त्याच्या कडेला जाऊन धडकली. त्यानंतर उलटून झालेल्या अपघातात ५५ वर्षीय मुनीरा बी असलम देशमुख यांचा मृत्यू झाला. जखमींमध्ये एका चार वर्षीय बालकाचा समावेश आहे. अपघातानंतर घटनास्थळी एकच धावपळ उडाली. काही नातेवाईकांनी रस्त्यावरील वाहनांच्या मदतीने जखमींना खामगाव येथे उपचारार्थ दाखल केले. तर मृतक महिलेचे शव खामगाव येथील सामान्य रूग्णालयात शवविच्छेदनासाठी नेण्यात आल्याचे समजते.
असे आहेत अपघातील जखमी
या अपघातात आकीब असलम देशमुख ३५, तरबेज असलम देशमुख २५, युसुफ शेख देशमुख ४, शेख अमन तरबेज देशमुख सर्व रा. सुरत असे पाच जण जखमी झाले. जखमींना खामगाव येथील एका खासगी रूग्णालयात भरती करण्यात आले.