ठळक मुद्देदुचाकीला समोरुन येणा-या ट्रकने जोरदार कट मारला.रितेश याचा जागीच मृत्यू.
खामगाव : भरधाव ट्रकने दुचाकीला धडक मारल्याने एक जण जागीच ठार झाला, तर दुसरा जखमी झाल्याची घटना चिखली मार्गावरील अंत्रज येथे घडली. निरोड येथील रहिवासी रितेश प्रकाश गवळी (२३) हा त्याचा भाऊ रवि गवळी (२०) यास अंत्रज येथे शाळेत घेऊन जात असताना त्याची दुचाकी क्रमांक एमएच २८ ई ५१४ ला समोरुन येणाºया अज्ञात ट्रकने जोरदार कट मारला. या अपघातात रितेश याचा जागीच मृत्यू झाला, तर रवि हा जखमी झाला. त्याला तातडीने येथील सामान्य रुग्णालयात उपचारार्थ भरती करण्यात आले आहे.