विविध मागण्यांसाठी आशांचे धरणे आंदाेलन

आशा व गटप्रवर्तक महिला कर्मचारी गेल्या दहा दिवसांपासून किमान वेतन, कर्मचारी दर्जा मिळावा, आरोग्य विमा, तीनशे रुपये रोज देण्यात यावे आणि आरोग्य सेवेतील नवीन भरतीमध्ये पन्नास टक्के आरक्षण मिळावे, आदी मागण्यांसाठी संपावर गेले आहेत़. मंगळवारी पंचायत समिती कार्यालयात आशा वर्कर्स व गटप्रवर्तक महिलांनी जिल्हा आरोग्य अधिकारी यांना घेराव घालून मागण्या पूर्ण करण्याची मागणी केली होती़. बुधवारीही या आशा कर्मचाऱ्यांनी पंचायत समितीच्या प्रांगणात आंदोलन करून मागण्या पूर्ण करण्यासाठी धरणे दिले़. त्यानंतर उपविभागीय अधिकाऱ्यांना विविध मागण्यांचे निवेदन देण्यात आले़. यावेळी देऊळगाव माळी येथील आशा गटप्रवर्तक सुनीता शिराळे, दीपाली राहाटे, सुमित्रा अंभोरे, शारदा गाडेकर, मनीषा अंभोरेंसह मोठ्या संख्येने आशा व गटप्रवर्तक, महिला कर्मचारी उपस्थित होत्या़.